ملاك ربنا يحرس شعبه تصلح قصة لمدارس الاحد568

ملاك ربنا يحرس شعبه

كان يا ولاد في ملك شرير جدا و عنده جيش كبير خالص كان الملك ده اسمه سنحاريب و كان رايح يحارب مصر
و هو رايح لمصر لقي في طريقه مدينه اسمها اورشليم و المدينه دي كانت بتاعه شعب بابا يسوع اللي بيحبوه و كان الملك بتاعها اسمه حزقيا
قعد الملك سنحاريب الشرير يفكر انا لازم اخد المدينه دي دي مدينه صغيره وانا جيشي كبير

راح الملك باعت واحد من قواد الجيش بتوعه وقف علي سور المدينه من بره ينادي و يقول
(يراعي تغيير نبرة الصوت)
يا شعب
اورشليم انتم ضعاف واحنا اقويا و جيشنا كبير انتم هتغلبوا جيشنا الكبير
القوي ده ازاي ما تلوش الملك حزقيا بتاعكم ده يضحك عليكم و يقول ان هيغلب
جيشنا الكبير

( تغيير النبرة الي طريقه خبيثه) تعالوا و سيبوا المدينه و احنا هندليكم مدينه بدالها و ارض تانيه احسن منها
لاننا بنحبكوا و مش هنأذيكوا فسلموا لينا المدينه
حتي ربنا بابا يسوع اللي بتعبدوه مش هيقدر ينقذكوا احنا اقوياء

راح الناس رايحين جري ع الملك حزقيا يا ملك يا باملك حزقيا الحقنا( نبرة خائفه)
رد عليهم الملك في ايه
قالوله سنحاريب الشرير محاصر المدينه بجيش كبير و عايزنا نسلم له المدينه

زعل الملك و اتأثر و راح داخل قاعد يصلي لباب يسوع ان ينقذ شعبه

وراح قايل للقائد اللي عنده اجري بسرعه روح لاشعياء النبي و قوله احنا عايزين رينا يساعدنا و خليه يصلي لربنا و احنا كمان هنصليله

راح القائد رايح لاشعياء النبي جري( يراعي اظهار حركة السرعه) فاشعياء النبي قاله ماتخافوش بابا يسوع هيغلبهم و هيكسر جيشهم ده خالص

و راح
ربنا باعت ملاك ابيض في ابيض ماسك سيف و نزل قعد يضرب في جيش سنحاريب (
ينزل الراوي و يضرب الاولاد تمثيلا) لحد ما موت الجيش كله و المللك
سنحاريب واقف مستغرب ايه اليي بيحصل راح شاف كده خاف و اترعب و طلع يجري

الحقوني الحقوني

و تاني يوم الناس صحيت اول ما الشمس طلعت خايفين ابتدوا يبصوا يا تري جيش سنحاريب الشرير بيعمل ايه

بيبصوا
كده لقوا الجيش كله واقع جثث و ماعدش في حد وعرفوا ان بابا يسوع بعت ملاكه
الجميل عشان يحرسهم و يدافع عنهم فشكروا ربنا و قعدوا يصلوله

شكرا على القصة الجميلة

» ترنيمة ربنا موجود
» صور متحركة لي ربنا بسوع المسيح
» أقوال البابا القديس أثناسيوس الرسولي عن أن التوبة لا تصلح ولا تكفي بعد الخطأ
» شوف كل ملاك بيقول ايه
» يوم ميلادك يا يسوع لبولس ملاك